القديسة نونة

القديسة نونة

اعداد
ا د نادى كمال عزيز جرجس
نائب رئيس جامعة أسوان الاسبق

اصلها:

كانت بنت قائد عسكري كبير في عهد قسطنطين . اتولدت في كبادوكية بتحب ربنا من وهي صغيرة.

فجأة اتخطفت! بقت أسيرة حرب :

عند شعب وثني بيعبد النار .شعب بربري.. لوحدها.. غريبة.. كانت ممكن تكفر أو تسكت..

لكن هي عملت العكس!
كانت بتصلي ليل نهار على غطاء شعري خشن بتنام عليه.. الناس استغربتها..

انتي بتعبدي مين؟ قالت: أعبد المسيح إلهي!

ام بتلف بابنها المريض على البيوت:
محدش عارف يعالجه. راحت لنونة. نونة قالت: انا معرفش دواء.. بس مسيحي يقدر!
حطت الطفل على غطاها الشعري ورفعت ايديها للسما.. الطفل قام سليم في ساعتها!

ملكة الكرج مريضة مرض خطير ويأسوا منها:

بعتوا يجيبوا الأسيرة. نونة مرضتش تروح القصر عشان ناسكة.. شالوا الملكة القعيدة لحد عندها!
نونة حطتها على نفس الغطاء.. صلت باسم الرب.. الملكة قامت صحيحة معافاة بتتمشى!

ايمان الملك وجورجيا بالسيد المسيح:
ساعتها الملك مريام نفسه قال: مفيش إله حق غير المسيح!
وبعت للامبراطور قسطنطين الكبير رسالة: ابعت لنا حد يعلمنا المسيحية!
فبعت لهم القديس افسطاتيوس بطريرك أنطاكية، وعمّد الشعب كله! وبنى الكنائس! ومن ساعتها بقت جورجيا كلها مسيحية لحد النهاردة بسبب امرأة أسيرة واحدة!

وبعد ما غيرت بلد بحالها:

سابت المجد وراحت تبشر في الجبال بين البرابرة، ورجعت تسكن في سكينة لحد ما رقدت بسلام

صلوات القديسة نونة هادية الكرج،تكون معنا اجمعين.

تحيا مصر رئيسا وقيادة وشعبا وشرطة وجيشا والجميع والمصريين الشرفاء والله ولى التوفيق والنجاح الدائم للجميع.