حورية فرغلي — متخطبتش لحد وهرفع علي نزار الفارس قضية

حورية فرغلي — متخطبتش لحد وهرفع علي نزار الفارس قضية

في غضب شديد كذبت الفنانة الفنانة حورية فرغلي، الأنباء التي إنتشرت عبر مواقع التواصل الاجتماعي التى تعلن خبر خطبتها من الإعلامي العراقي نزار الفارس،

حيث أكدت الفنانة حورية فرغلي أنها ليس لها أي علاقة بـ نزار كما يدعي،

معربة عن غضبها الشديد من تصرفه وإعلانه خطبتهما.

ذكرت الفنانة حورية فرغلي في تصريحات تلفزيونية، في برنامج مساء دي إم سي المذاع عبر شاشة DMC، مع الإعلامية إيمان الحصري

إن جميع الصور المنتشرة لها برفقة نزار الفارس كانت من تصوير حلقة في برنامج نزار وليس خطبتهما،

وأضافت: أنا البرنامج ده بيكلموني من أسبوع وبيقولولي أستاذ نزار عايزك في البرنامج،

واتفقت مع معدي البرنامج وتحدد يوم الأحد اللي هو امبارح وكانت أول مرة أشوف نزار

وفتحت بيتي للمصورين بتوع البرنامج، وأنا في بيتي قاعدة علي طبيعتي مع مامتي والكلب بتاعي ومفيش حد،

هو أول ما دخل قعد يصور ووجه لي سؤال، هل انت بتحبي ماجد المهندس فأنا قولتله آه طبعا بحبه،

واضاف وقالي طيب تحبي ترقصي على أغنيته؟ و أنا ليس من عادتي أن احرج الناس ومكنتش عايزة أكسفه وجاملته،

ومن ساعة ما دخل بيتي وهو عمال يصور من ورايا وأخذ صور سيلفي كثيرة

وأنا مش فاهمة هو بيصور سيلفي ليه؟ وزي ما قلت ليكي أنا مش عايزة أحرجه، قولت أسيبه براحته.

حورية فرغلي — متخطبتش لحد وهرفع علي نزار الفارس قضية

وشددت حورية فرغلي أنها لم تتم خطبتها على الإعلامي نزار الفارس،

قائلة: أنا متخطبتش لـ نزار ولا لأي راجل في الدنيا وهرفع عليه قضية، لو هو خطبني هو شاف أبويا أمي أخويا؟

خطبني من مين؟، من نفسي ما أهلي عايشين، وأنا زعلانة وقررت دلوقتي إني مش هعمل أي لقاءات مع أي صحافيين ولا إعلاميين، يعني أنا رحبت بيه وكنت تعبانة وعملت معاه اللقاء تعمل معايا كده ليه؟

ليه تخلي كل الناس تكلم أبويا وأخويا يسألوا أنا اتجوزت؟ ليه تعملي مشاكل؟.

خطوبة حورية فرغلي ونزار الفارس

ومن الجدير بالذكر، أنه منذ قليل ، أعلن الإعلامي العراقي نزار الفارس،

أنه تم خطبته أمس الأحد على الفنانة حورية فرغلي في أجواء عائلية.

معمول لي عمل بالشلل وعدم الزواج والإنجاب

وكشفت ايضا الفنانة حورية فرغلي خلال الحلقة عن تفاصيل مرضها

والعمليات التي خضعت لها بسبب مشكلة أنفها، كما تحدثت عن السحر التي تعرضت له بعد مسلسل ساحرة الجنوب.

ويمكن تلخيص تصريحات الفنانة حورية فرغلي خلال الحلقة على النحو التالي:

في وقت مكنتش عارفة أبص في المرايا ولا استطعم الأكل ولا أشم أي ريحة وبالنسبالي مكنش فيه فرق بين العيشة والموت.

أنا مبسوطة بنفسي جدًا في الوقت الحالي ومش باهتم بتعليقات الناس واللي مش عاجبه أي حاجة فيا يبص الناحية التانية مايبصليش.

بقيت أحمد ربنا على أي حاجة والحمد لله على شكل أنفي وأي حاجة ربنا عملها فيا وفي الفترة اللي فاتت حاولت أتقرب من ربنا وأصلي واقرأ قرآن.

حلم حياتي تقديم جزء تالت من مسلسل ساحرة الجنوب وأقدم دور حتشبسوت والأميرة ذات الهمة.

عملت 27 عملية جراحية في 8 سنين وطلعت من تجربة المرض متلغبطة وجالي اكتئاب حاد وكنت حاسة إني في منطقة سودة.

أخويا كان واقف معايا في كل خطوة وفي الأزمات مفيش أقرب من الاخوات لأن هما عيلتنا.

اكتشفت إن معمول لي عمل بعد مسلسل ساحرة الجنوب ولقيته في البيت مكتوب فيه حورية تصاب بالشلل والمرض ويقف جوازها وخلفتها ورزقها.

كنت بتعب من غير سبب ووزني وصل 49 كيلو ومش باكل واكتشفت في الآخر إنه سحر.

حورية فرغلي — متخطبتش لحد وهرفع علي نزار الفارس قضية

معرفش مين اللي عملي العمل بس ده كان عايز يموتني مش بس يأذيني وماما ساعدتني وفكيناه وبقيت أحسن.

أجريت 27 عملية جراحية في 8 أعوام،

من سنتين كنت عايزة أموت مكنتش عايزة أعيش،

وعن تعليقات الجمهور، قالت : أنا مبسوطة بنفسي جدا في الوقت الحالي ولا أهتم بتعليقات الناس، واللي مش عاجبه أي حاجة فيا يبص الناحية التانية مايبصليش،

أنا مبسوطة بنفسي، خدت ثقة في نفسي خلال المرحلة التي مريت بها، وأخدت ثقة غريبة.

بقيت أحمد ربنا على أي حاجة والحمد لله على شكل أنفي، وأي حاجة ربنا عملها فيا،

في الفترة الماضية حاولت أتقرب من ربنا وأصلي وأقرأ قرآن،

لكن كنت حاسة إن في حاجة مش طبيعية وكنت حاسة إني في منطقة سوداء، حسيت إني جالي اكتئاب.