سيرة القديسة “ڤيرونيكا” اللي مسحت وش السيد المسيح

سيرة القديسة “ڤيرونيكا” اللي مسحت وش السيد المسيح

اعداد
ا د نادى كمال عزيز جرجس
نائب رئيس جامعة أسوان الاسبق لخدمة المجتمع وتنمية البيئة

وكانت هناك نساء كثيرات ينظرن من بعيد وهن كن تبعن يسوع من الجليل يخدمنه (مت 55:27).

كانت من اتباع السيد المسيح له المجد:

القديسة ڤيرونيكا كانت واحدة من الستات اللي مشوا ورا السيد المسيح في كل مشاويره ،

ولما جه وقت الصليب، قربت منه ومدت إيدها بمنديلها ومسحت وشه اللي كان بيعرق من كتر الألم والتعب .

صورة وش السيد المسيح على منديلها:

ولما رجعت بيتها ، أكتشفت إن صورة وش المسيح أنطبعت على المنديل ،

وكان باين فيها ملامح الألم اللي شافها الرب يسوع له المجد . المنديل ده عمل معجزات كتير بعد كدة .

من أشهر معجزات المنديل المقدس:

واحدة من أشهر المعجزات كانت لما الإمبراطور طيباريوس قيصر طلب يشوف ڤيرونيكا ، لأنه سمع عن القماشة العجيبة اللي معاها ،

وكان وقتها مريض ومفيش دكتور عرف يعالجه . وبمجرد ما لمس المنديل ، خف فورًا وربنا شفاه …

القديسة ڤيرونيكا تبشر بالرب يسوع في بلاد كتير:

بعد كدة خرجت القديسة ڤيرونيكا تبشر بالرب يسوع في بلاد كتير ، لحد ما وصلت فرنسا ،

وهناك كملت رسالتها وبشرت بقيامته من بين الأموات ، وربنا عمل على إيديها معجزات كتيرة .

نطلب شفاعتها لنا ولكم وللجميع ولمصرنا الحبيبة

تحيا مصر رئيسا وقيادة وشعبا وشرطة وجيشا والجميع والمصريين الشرفاء والله ولى التوفيق والنجاح الدائم.

سيرة القديسة “ڤيرونيكا” اللي مسحت وش السيد المسيح