مؤبد أو إعدام لحسين الشحات و رسالة نارية لمحامي الشيبي من شوبير
مؤبد أو إعدام لحسين الشحات و رسالة نارية لمحامي الشيبي من شوبير
وجه الإعلامي أحمد شوبير حارس مرمى الأهلي ومنتخب مصر السابق رسالة نارية إلى محامي محمد الشيبي
نجم فريق بيراميدز في ظل التصعيد المستمر في أزمته المشتعلة مع حسين الشحات نجم الأهلي.
وقال أحمد شوبير ساخرًا في تصريحات إذاعية اليوم الخميس: «تاني تاني تاني راجعين أنا وانت تاني للعذاب من تاني راجعين للشيبي والشحات تاني هغنيها وأعملها موال اه والله عشان محامي تاني يطلع يقول لك هنستأنف ونحبس حسين الشحات».
وتابع شوبير موجها رسالة ساخرة للمحامي: «أقول لك حاجة هات لحسين الشحات
مؤبد أو إعدام يستحق الإعدام شنقا أو رميا بالرصاص، استئنف اعمل اللي انت عايزه».
وأضاف شوبير: «لا وكمان دلقوتي دخلوا على الخط المواقع في المغرب،
يا جماعة هناك حكم صدر وده أقصى حكم في مثل هذه القضايا سنة مع إيقاف التنفيذ
لكن المحامي قال لك أنا هشيل إيقاف التنفيذ اللي عايز ياخد إجراء ياخده بس كده كثير قوي
يا جماعة وشكلنا وحش والناس بره بتضحك علينا، كثير فعلا قوي اللي بيحصل
ومش في صالح الكرة المصرية ولا في صالح الناس اللي بتتكلم».
مؤبد أو إعدام لحسين الشحات و رسالة نارية لمحامي الشيبي من شوبير
كانت تقارير مغربية قد كشفت في الساعات الماضية عن أن محامي محمد الشيبي
سيطالب خلال استئناف الحكم في قضية تعدي الشحات على اللاعب المغربي،
بتنفيذ عقوبة الحبس بدل من جعلها عقوبة موقوفة التنفيذ، كما أوضح المحامي أنه سيلجأ للاتحاد الدولي لكرة القدم (فيفا) من أجل رفع العقوبات التي فرضها اتحاد الكرة المصري على النجم المغربي معتبرا هذه العقوبات غير قانونية.
