شريف عامر يحكي قصته فى إنهاء توكيل بيع سياره | مفاجأه

 

 

شريف عامر يحكي قصته فى إنهاء توكيل بيع سياره | مفاجأه

كتب / عبدالرحمن رضا

يقول شريف عامر فى البرنامج الخاص به “يحدث فى مصر ” على MBC مصر ، ” دخلت الشهر العقاري الى بتعامل معاه علي طول ، مبحبش اقف فى زحمه, للظروف الصحيه الى تخص أهلى علشان الكورونا “.

مضيفاً قولتلهم : ” طب خلاص ياجماعه مفيش نصيب ابقى اجى بكره ، فموظف محترم قالى : “استني يا استاذ شريف خد العنوان اللى على الورقه على الحيطة ده وادخل عليه وإعمل اللى انت عاوزه ” ، تمام كمواطن مصرى قلقان ومعنديش ثقه كبيره خدت الورقه وروحت ” .

مكملاً : ” وكانت المفاجاة دخلت على بوابة مصر الرقميه ، دخلت بياناتى الاسم ، اسم الوالده ، رقم التليفون ، اعمل حساب ، اكتب الايميل بتاعك ، اكتب رقم بطاقتك ، اكتب كلمة سر، أول ماعملت كده طلع كل بياناتى و أصلى ، ولما اتبسطت روحت عملت لمراتى حساب ” .

وأضاف ” تفتح تلاقى اولادى ، مركباتى ، انا عاوز مركباتى عندى عربيه عاوز اعملها توكيل ببيعها ، اخترت العربيه لقيتها برقم الشاسيه وكل حاجه خاصه بيها ، المشترى مين ياعم كتبت رقم بطاقته راحت ساقطه كل معلوماته فى التوكيل ، طبعاً المعلومات لازم تبقي صح ، والا هيرفض النظام “.

وأكمل ” بعد كده عاوز تستلم منين ياسيدى اخترت شهر عقارى الشيخ ذايد ، طلبت جالى تم استقبال طلبك بنجاح ، روح استلمها بكره الساعه ٩ونص وانا الى حددت المعاد “.

و قال ” طبعاً أنا واصحابى شكينا أن هروح الاقي التوكيل ، روحت اولاً دخلت المكان انا دخلته من سنتين كان اشبه بمقبره ، لقيت مكان مختلف تانى خالص ، مكان اوسع اكبر ، ولقيت ناس كتير بره ومحدش واقف جوه ، لقيت واحد بيقولى انت محتاج اي حضرتك ، قولتله انت مين اصلاً افتكره واحد مواطن داخل معانا “.

و استكمل ” طلع موظف ، قولتله انا عامل توكيل ومراتى عندها ظروف صحيه وكده ف عاوز امشي ، قالى لا مش هتاخد وقت ، دخلت صورة البطاقه والرخصه ، ودفعت ٥٠ ج وخدت الورقه ومشيت ، عملت توكيل بيع عربيه من بيتنا ، فشكراً للى عمل النظام ده ،شكراً لوزارة العدل ، و كل الشباب اللى هناك رائع وجميل وكل الناس تلقت الخدمه زى مانا تلقتها ” .